Dans la peau d’un Père Noël Boulonnais
Les fêtes de Noël se rapprochant, nous sommes parties à la recherche du Père Noël avec l’idée bien ancrée en tête de mener une petite interview. Et figurez-vous que nous l’avons trouvé. Enfin, nous en avons trouvé deux, qui étaient particulièrement originaux. Ils nous ont offert une vision du personnage sacré un peu différente de l’image d’Épinal qui nous est proposé habituellement. Pour notre première interview, on a rencontré un Père Noël Boulonnais, qui s’exprime en patois local.
Bonjour Père Noël, comment se prépare votre prochaine saison ?
Hohoho, bonjour mes pitits éfants ! Quoqu’ej sus heureuw d’ête avec vous pour faire eune pitite interview ! On a commençay à mette in route l’atelier tout doucemint. I fauw savoir eq’ les éfants boulonnais vont commincer à écrire lu lettre. Et oui, j’el says ! Is vont m’deminder des biaws cadeaux.
Et is in auront mais pour avoir des cadeaux, y a eune condition quand même. Et oui, il aura fallu être un bon éfant. Avoir étay sage. N’avoir pont fait trop d’bêtises. Et avoir bin travaillay à l’école.
Avez-vous encore le trac avant la grande nuit ?
Oh, o savez, ça fait maintenant quéques annayes qu’ej roule em bosse, Qu’ej sus habituay ! Et pourtant, et pourtant, i fauw vous dire qu’el soir ed Noël, effectiv’mint, j’ay un p’tit coup d’trac. Parce qu’i n’fauw pont qu’ej em’ rate. Il y a tellemint d’éfants qui attindent après mi.
Alors, on essaye ed tout mette in place. Mais j’peuw compter sur eune chose qui est tell’mint importante : c’est l’magie ed Noël. Et eune fois qu’j’ay l’magie ed Noël, alors là, tout va bin.
On sent que la période approche : ça s’agite dans l’atelier ?
Mais j’pinse bin eq’ ça s’agite. Ej peuw vous dire qu’c’est drôle, oui, c’est vraimint drôle ed vire tous les pitits lutins courir dins tous les sins pour contrôler les machines. Faire el plein ed papiers cadeaux. Et oui, forcémint, i fauw qu’is soitent in place pour préparer tous les cadeaux pour tous les pitits éfants.
Avez-vous déjà songé à prendre un stagiaire ?
Oh, oh, oh, o savez, je n’ay vu passer des lutins dins m’n’atelier. Forcémint, j’n’ai formay des milliers et des milliers.
Avez-vous modernisé votre traîneau ? Électrique, peut-être ?
Oh, oh, oh, mi l’électrique, j’connais pont. O savez mi, min traîneau, i fonctionne avec del poussière d’étoile et surtout des flocons magiques. Et oui, ej peuw vous dire quéque cose, c’est l’meilleur carburant pour faire el tour ed la planète in eune nuit seul’mint.
Vous lisez vraiment toutes les lettres ? Même celles sur TikTok ?
Oh, oh, oh, mi j’n’arguette pont ces chinoiseries-là. Mon Diu, ben sûr eq’ non. J’arçois les courriers ed tous les éfants. Pis, je vays vous dire quéque cose. C’est qu’mi, j’ay eune connaissance universelle ed tous les éfants du monde intier. Ej les connais et j’says c’qu’ils ont fait dins l’annaye, s’is ont étay sages, s’is ont fait des bêtises, s’is ont répondu à lus parints. Alors, j’em fais ma liste comme ça.
Mais ne vous inquiétez pont, j’arçois toutes vos lettres.
On imagine que la pause chocolat chaud est obligatoire à l’atelier ?
Forcémint, forcémint. Il n’y a pont eune journaye sins chocolat cauw dins l’atelier. On sommes obligeays d’in boire matin, midi et soir. Et pis, j’vays vous dire quéque cose. Un pitit secret, Ej connais tout’les recettes des chocolats cauws du monde intier, mes éfants, tout’les recettes. Ej peuw vous dire eq’ lorsque c’est el mère Noël qui les prépare, mon Diu, mon Diu, qu’on s’régale.
Avez-vous une playlist spéciale pour votre tournée ?
Eune playlist ? Bin sûr eq’ j’ay eune playlist. C’est in général tous les cants ed’ Noël. Mais celle qu’ej préfère, alors là, celle qui m’met in joie quand ej mets in route el traîneau, c’est l’fameuse canchon ed Maria Carey. Celle-là, j’in says rin mais j’ay invie ed rire et d’canter avec elle.
Quelle est votre plus belle rencontre de Noël ?
Oh, j’in ay eu, des rincontes à Noël. Oh, oui, edpis tout’ces annayes. Pourtant, i n’a eune qui m’arvient tout d’suite in tête. Ej vays vous l’raconter.
C’est celle où j’ay fait l’rinconte ed min pitit Rodolphe. Eh oui, min célèbe reine au nez rouge. Figurez-vous qu’il étoit mis ed côtay par ses frères et soeurs. Et tout l’monde es’ moquoit d’li, parce qu’il avoit el fameuw nez rouge. On disoit qu’il avoit bu, qu’il étoit saoul. Et on l’laissoit dins sin coin, parce qu’il étoit différint. Mais quand j’em sus approchay, j’ay sinti tout d’suite qu’il avoit eune magie in li. Il étoit peut-être différint, mais il étoit surtout unique. Et c’est là qu’j’ai déciday del prindre avec mi, eq’ j’ay comprind tout d’suite qu’ça s’roit li qui auroit immenay min traîneau à travers el nuit noire, dins l’monde intier. Eh bin, j’vays vous dire quéque cose. C’est qu’li qui étoit moquay pitit, parce qu’il étoit différint, aujourd’hui, il est aimay ed tous les éfants. Eh bin, d’eune différince, i n’a fait eune force.
Et enfin, vous, Père Noël, que voudriez-vous qu’on vous offre cette année ?
Oh, o savez, j’ay plutôt l’habitude d’offrir des coses aux gins, plutôt qu’d’in recevoir. Pourtant, alors que j’en’ sus ni Miss France, ni Miss Univers, il y a ben quéque cose qui me tiendroit à cœur. Eh oui, et ça s’roit qu’il y auroit la paix dins l’monde intier. Vraimint, ça me f’roit plaisir.
In tout cas, les éfants, j’vays bintôt vous artrouver. Alors, préparez vos lettres, invoyez les me, et pis, à très vite. À très, très vite.
